![](uploads/news/5c2f362fb1e561.57362638.jpg)
2018 წელს საქართველოს 8 679 544 საერთაშორისო მოგზაური ეწვია.
2018 წელს საქართველოში 8 679 544 საერთაშორისო მოგზაურის ვიზიტი შედგა. შესაბამის სტატისტიკურ მონაცემებს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ავრცელებს.
მათივე ინფორმაციით, 2017 წელთან შედარებით ზრდა 9.8%-ია. ამასთან, 2018 წელს ტურისტული ვიზიტების რაოდენობამ 4 756 820 შეადგინა, რაც 687 466-ით მეტია 2017 წლის მაჩვენებელზე (ზრდა 16.9%).
როგორც ეკონომიკისა და მდგრადი განვითარების სამინისტროს მონაცემებშია აღნიშნული, 2018 წელს ევროკავშირის ქვეყნებიდან პოზიტიური ტენდენცია შენარჩუნდა. უფრო კონკრეტულად, საქართველოში საერთაშორისო ვიზიტების რაოდენობის ზრდის კუთხით გამოირჩეოდნენ ესტონეთი (+80%), სლოვაკეთი (+62%), რუმინეთი (+59%), ნიდერლანდები (+56%), გერმანია (+50%), ლატვია (+50%), ჩეხეთი (+44%), პოლონეთი (+37%), საფრანგეთი (+36%), გაერთიანებული სამეფო (+31%), იტალია (+30%) და სხვა.
ვიზიტორების განსაკუთრებული ზრდა დაფიქსირდა შემდეგი ქვეყნებიდან: კორეის რესპუბლიკა (+112%), ჩინეთი (+75%), ბელარუსი (+43%), ისრაელი (36%), ქუვეითი (+34%), ყაზახეთი (+25%) და აშშ (+25%).
ტურიზმის ეროვნული ადმინისტრაციის ინფორმაციით, წინასწარი მონაცემებით, 2018 წლის იანვარი-ნოემბრის მდგომარეობით შემოსავალი უცხოური ტურიზმიდან საქართველოში შეადგენს 3 მილიარდ დოლარს (ზრდა +19.3%), რაც 485 მილიონით მეტია წინა წლის ანალოგიურ მაჩვენებელზე. 2018 წლის I-III კვარტლის მდგომარეობით შემოსავალი უცხოური ტურიზმიდან საქართველოში შეადგენს 2.571 მილიონ დოლარს (ზრდა +20.5%), რაც 437 მილიონით მეტია წინა წლის ანალოგიურ მაჩვენებელზე.
„ტურიზმის წილი მთლიან შიდა პროდუქტში, 2018 წლის I-III კვარტლის მონაცემებით, 7.6%-ია. ზრდა წინა წელთან შედარებით +19%-ია. 2017 წლის ჯამური მონაცემებით წილმა მთლიან შიდა პროდუქტში 6.8% შეადგინა. ზრდა წინა წლის ანალოგიურ პერიოდთან შედარებით +11.5%“, – აცხადებენ ტურიზმის ადმინისტრაციაში.
მათივე ცნობით, 2018 წელს საქართველო მსოფლიოს გავლენიანი ორგანიზაციების და გამოცემების საუკეთესო რეიტინგებში უსაფრთხო და ტურისტულად მიმზიდველ ქვეყნად დასახელდა.
#რეგინფო